Mýkt & meðvitund

Hefst haustið 2026

Mýkt og meðvitund er rólegt og nærandi námskeið sem sameinar mjúkar flæðandi teygjur, liðkandi hreyfingar, milda vefjalosun og leidda slökun.
Áhersla er lögð á öndun í teygjum og slökun, og eru kennslustundirnar hannaðar til að skapa innri ró, léttleika og jafnvægi í daglegu lífi.*

Tímar námskeiðsins henta iðkendum sem vilja koma sér af stað í hreyfingu eftir langan tíma, þeim sem eru að koma til baka eftir veikindi, fólki á besta aldri sem vill viðhalda liðleika og mýkt, eða þeim sem vilja njóta hreyfingar þar sem líkamsvitund, öndun og slökun eru í fyrirrúmi.

Kennarinn leiðbeinir mildar og aðgengilegar æfingar sem auðvelt er að aðlaga að eigin líkama og þörfum. Námskeiðið sameinar hreyfingu og leidda slökun á þann hátt að þátttakendur finna léttleika, aukna mýkt og innri ró – allt á öruggan og nærandi hátt.

*Tímarnir eru rólegri og mýkri en Primal Lífsstíll - teygjur & öndun og hentar þeim allra viðkvæmustu.
Hafa ber í huga að Primal Iceland er á 2 hæð í lyftulausu húsnæði og tímar fara fram á efri hæð innan Primal Iceland.

Ósk um breytingu á skráningu þarf að berast minnst 24 tímum fyrir upphaf námskeiðsins. Kort eru ekki fryst eða framlengd.

ATH! Lokuð námskeið falla niður á rauðum dögum, tímar í boði á þeim dögum kynntir í Abler.